من طرف سعيد صالح الثلاثاء يونيو 15, 2010 10:29 amالرقم غلط
كثير ما نسمع هذه العبارة
عندما يقوم شخص بالاتصال عليك بالخطأ
أو نقولها عندما نتصل على شخص بالخطأ
ولكن الغريب
أن يستمر المتصل بإعادة المحاولة
مرات ومرات حتى بعد أن تؤكد له آن الرقم غلط
حدث معي فيوم كنت جالس أشاهد التلفزيون واستمتع بفنجان قهوة حتى قاطعني
صوت التليفون،
انه رقم غريب من مصر لا أعرفه فتوقعت احد أصدقائي قام بشراء خط جديد ،
ترددت قبل أن افتح الخط ولكنى قمت بالرد
الو
فسمعت صوت امرأة
قالت الو خالد
قلت لها أنا سعيد مين معايا
قالت دة مش تليفون خالد
قلت لها أكيد الرقم غلط
قالت مش دة رقم 0000000
قلت نعم الرقم صحيح ولكنه رقمى
اعتذرت وأنهت المكالمة
مرت دقائق ورن التليفون
نفس الرقم مرة ثانية
لم أرد عليها
كررت المحاولة ثاني وثالث ورابع
وهنا سألتني زوجتى لية مابتردش على التليفون
قلت لها واحده بتتصل من مصر بالغلط ومش عاوز ارفع عليها الخط عشان بتخسر مكالمة دولية
ولكنها مصرة علي الاتصال
فقمت بالرد عليها
قلت لها أن الرقم غلط وأنا مش عاوز افتح عشان بتخسري بدون فايدة ،
قالت طيب أنا عاوزة اكلم خالد ولا اعرف غير هذا الرقم
سألتها فين شغال خالد وسألتها عن أسم الشركة التى يعمل بها
قالت لا أعرف أسم الشركة بس هو سافر وده تليفونه اللي أعرفه
فطلبت منها عدم الاتصال تانى وأنا سوف أجد خالد زوجها
وهو سوف يتصل عليها
شكرتني واعتذرت منى وأنهت المكالمة
وهنا بدأت البحث عن خالد
قمت بالاتصال على نفس رقمي مع تغيير رقم فى كل اتصال
أتصلت بأكثر من شخص وأسال عن خالد يطلع الرقم غلط
وكررت محاولاتى وأنا أبدل في الأرقام
حتى توصلت إلى خالد بعد حوالي 14 محاولة
الو الأستاذ خالد
: معاك خالد مين معايا
: أنا سعيد صالح
: أهلا سعيد
: حضرتك متعرفنيش ولكن حدث معي (’’’’’’’’’’’) وأنا بتصل عشان أبلغك بما
حدث لانى وعدت المدام بالوصول أليك
خالد : وعرفت رقمي إزاى
أنا : قمت بتغيير في رقمي واتصلت على أكثر من رقم حتى وصلت إليك
خالد: أشكرك يا أستاذ سعيد وكتر خيرك
أنا : لادعى للشكر أنا معملتش حاجة
خالد: مع السلامة
أنا: مع السلامة
وانتهت المكالمة وهذه حكاية مكالمة غلط شوفو عملت فيا أي
هذه قصة حقيقية حدثت معي فعلا
